मुख्यमंत्री बळीराजा मोफत वीज योजना २०२४: शेतकऱ्यांना मोफत वीज!

मुख्यमंत्री बळीराजा मोफत वीज योजना २०२४: शेतकऱ्यांना मिळणार मोफत वीज!

राज्यातील शेतकऱ्यांच्या शेती व्यवसायावर जागतिक हवामान बदल आणि पर्जन्यमानातील अनियमिततेमुळे विपरीत परिणाम होत आहेत. अशा परिस्थितीत शेतकऱ्यांना दिलासा देण्यासाठी महाराष्ट्र राज्य शासनाने एक महत्त्वपूर्ण निर्णय घेतला आहे. २५ जुलै २०२४ रोजीच्या शासन निर्णयानुसार मुख्यमंत्री बळीराजा मोफत वीज योजना २०२४ (CM Baliraja Free Power Scheme) सुरू करण्यात आली आहे, ज्यामुळे राज्यातील लाखो शेतकऱ्यांना मोफत वीज पुरवठा मिळणार आहे.

योजनेचे मुख्य उद्दिष्टे:

मुख्यमंत्री बळीराजा मोफत वीज योजना २०२४ च्या माध्यमातून राज्यातील ७.५ एच.पी. क्षमतेपर्यंतच्या कृषी पंपांना मोफत वीज पुरवठा करण्याचे उद्दिष्ट ठेवण्यात आले आहे. हे धोरण राज्यातील ४४ लाख ६ हजार शेतकऱ्यांना थेट लाभ मिळवून देणार आहे. यासाठी राज्य शासनाने वार्षिक ₹१४,७६० कोटींचे अनुदान उपलब्ध करून देण्याचे ठरविले आहे.

योजनेसाठी पात्रता:

राज्यातील ७.५ एच.पी. क्षमतेपर्यंतचे सर्व शेतीपंप ग्राहक या योजनेचा लाभ घेण्यास पात्र असतील. हा निर्णय शेतकऱ्यांच्या आर्थिक स्थितीला दिलासा देण्यासाठी आणि त्यांच्या शेती व्यवसायाला अधिक स्थिर करण्यासाठी घेण्यात आला आहे.

अंमलबजावणीची पद्धत:

मुख्यमंत्री बळीराजा मोफत वीज योजना २०२४ एप्रिल २०२४ पासून लागू केली जाणार आहे. या योजनेअंतर्गत ७.५ एच.पी. पर्यंतच्या शेती पंपांना मोफत वीज पुरवली जाईल. राज्य शासनाने वीज बिल माफ करण्याचे अधिकार विद्युत अधिनियम २००३ अंतर्गत दिले आहेत, ज्यामुळे वीजदर सवलतीची रक्कम शासनाकडून महावितरण कंपनीला आगाऊ स्वरूपात वर्ग केली जाईल.

योजनेचा कालावधी:

सदर योजना एप्रिल २०२४ ते मार्च २०२९ या पाच वर्षांच्या कालावधीसाठी राबविली जाईल. परंतु, तीन वर्षांच्या कालावधीनंतर योजनेचा आढावा घेऊन पुढील निर्णय घेतला जाईल.

अर्थसंकल्प आणि निधी:

या योजनेसाठी वार्षिक ₹१४,७६० कोटींचे अनुदान उपलब्ध करून देण्यात येणार आहे. या रकमेमध्ये वीज बिल माफीचा समावेश आहे, ज्यामुळे शेतकऱ्यांवरील आर्थिक भार कमी होईल. यासाठी आवश्यक निधी अनुसूचित जाती व अनुसूचित जमाती ग्राहकांसाठी वेगवेगळ्या लेखाशिर्षा अंतर्गत राखीव ठेवण्यात आला आहे.

महत्वाचे फायदे:

• शेतकऱ्यांना मोफत वीज पुरवठा, ज्यामुळे त्यांची आर्थिक परिस्थिती सुधारेल.
• वीज बिलाचा भार शासन उचलणार असल्याने शेतकऱ्यांना अधिक नफा मिळेल.
• जागतिक हवामान बदलामुळे पिकांवर होणारा विपरीत परिणाम कमी करण्यात या योजनेचा महत्त्वपूर्ण वाटा असेल.

शेतकऱ्यांसाठी उपयुक्तता:

ही योजना महाराष्ट्रातील शेतकऱ्यांसाठी अत्यंत लाभदायक ठरणार आहे. मोफत वीज पुरवठ्यामुळे त्यांची शेती अधिक यशस्वी होईल आणि पिकांच्या उत्पादनात वाढ होईल.

मुख्यमंत्री सौर कृषी वाहिनी योजना २.० (MSKVY 2.0): राज्यातील शेतकऱ्यांना दिवसा अखंडित वीज अधिक माहितीसाठी वेबसाईटवर भेट द्या.

कुसुम सौर कृषी पंप अर्ज नोंदणी सुरु, असा करा ऑनलाईन अर्ज पहा .

संपर्कासाठी अधिक माहिती मिळवण्यासाठी कृपया संबंधित वेबसाईटवर भेट द्या.

अश्याच माहिती आणि पोस्ट साठी पहा .

शुभेच्छा